События

«Татарстан — безнең йортыбыз» фестиваленең зона туры Арчада узачак

Фестивальнең төп максатлары — Татарстанның күпмилләтле мәдәниятен саклау, популярлаштыру һәм үстерү, төрле халыкларның мәдәни мирасы белән таныштыру, иҗади хезмәттәшлек өчен яңа мөмкинлекләр булдыру.

Чираттагы зона туры 7 октябрьдә Арча район Мәдәният йортында узачак, дип хәбәр ителә район мәдәният йортының МАКС каналында. Сәхнәдә Әтнә, Теләче, Балтач, Саба һәм Арча районнарыннан килгән иҗат коллективлары һәм башкаручылар чыгыш ясаячак.

«Татарстан — безнең йортыбыз» этно-мәдәни фестивале республикада яшәүче төрле милләт вәкилләренең бердәмлеген ныгытуга, халыкларның үзара рухи баюына һәм мәдәни традицияләрне саклауга юнәлдерелгән.

 Чараны Татарстан халыклары Ассамблеясы һәм Татарстан халыклары Дуслык Йорты оештыра.

Гөлнур Миннебаева

Тулырак: https://arskmedia.ru/news/rayon-yaalyklary/tatarstan-beznen-iortybyz-festivalenen-zona-tury-arcada-u...